Казанда узачак триатлонның форматы үзгәртелде
Быел триатлон зур спорт фестивале форматында узган дип планлаштырыла.
Казан триатлоны беренче тапкыр ике көнлек спорт фестивале форматында узачак
Казан триатлоны-2026 25 һәм 26 июльдә узачак. Быел ярышлар классик триатлон кысаларыннан чыгачак һәм йөзүчеләрне, йөгерүчеләрне, триатлетларны, балаларны, гаиләләрне һәм җанатарларны Кремль яр буендагы зур спорт фестивале форматында берләштерәчәк.
Ике көн дәвамында шәһәр үзәге триатлон, ачык суда йөзү, хатын-кызлар арасында йөгерү, балалар стартлары һәм башка спорт чаралары өчен мәйданчык булачак.
Фестиваль 25 июльдә ачыла. Беренче көнне катнашучылар йөзү, хатын-кызлар арасында 5 км йөгерү, шулай ук 3 яшьтән 10 яшькә кадәрге спортчылар арасында балалар старты ярышларында катнашачак. Оештыручылар әлеге ярышлар көнне бөтен гаилә белән уздырырга, катнашучыларга ярдәм итәргә һәм зур спорт бәйрәме рухын тоярга мөмкинлек бирер дип өметләнәләр.
Төп ярыш көне 26 июльдә узачак. Оештыручылар билгеләп үткәнчә, якшәмбе форматы программаны катнашучылар өчен уңайлырак итәчәк һәм барлык төп триатлон стартларын бер көндә уздырырга мөмкинлек бирәчәк. Спортчылар шәхси һәм команда зачетларында спринт, олимпик һәм 113 дистанцияләрендә ярышачаклар, дип хәбәр итә "Татар-информ".
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
