Шәһәрдә цифрлы сервисларны үстерү «Мәгълүматлар икътисады» милли проекты кысаларында бара.
Әлмәттә табиблар МАКС мессенджеры аша 600дән артык онлайн-консультация үткәрде. Мондый статистиканы хастаханәнең матбугат хезмәте игълан итте. Ел башыннан үзәк район хастаханәсе, балалар хастаханәсе һәм 3 нче поликлиника табиблары пациентларны дәвалауны дистанцион башкардылар.
- Телемедицина ташламалы рецептлар язарга һәм клиникага шәхсән йөрү кирәклегеннән башка киңәшләр бирергә мөмкинлек бирә. Бу хроник авырулы кешеләр өчен аеруча уңайлы, аларга даими күзәтү кирәк.
Баш табиб Алмаз Алиуллин ассызыклаганча, мондый консультацияләр — көндезге кабул итүне алыштыру түгел, ә уңайлы өстәмә элемтә коралы. Шәһәрдә цифрлы сервисларны үстерү «Мәгълүматлар икътисады» милли проекты кысаларында бара.