Хәзер ул наркологта тикшерелергә тиеш.
Әлмәт кешесе диспансерда наркотикларга тикшерү узудан баш тарткан өчен өч тәүлеккә кулга алынган. Полиция хезмәткәрләре ир-атны аның үз-үзен тотышы һәм киңәйтелгән күз каралары аркасында тыелган матдәләр куллануда шикләнгәннәр. Бу хакта шәһәр суды матбугат хезмәте хәбәр итте.
- Ир-ат суд утырышы вакытында үз гаебен тулысынча таныды. Судья административ кулга алу — бу очракта бердәнбер нәтиҗәле чара, дип санады.
Өч тәүлек кулга алынудан тыш, ир-атны яшәү урыны буенча наркологта карар үз көченә кергәннән соң бер ай дәвамында диагностика узарга мәҗбүр итәләр. Карарны әлегә шәһәр судына 10 көн эчендә шикаять итәргә мөмкин.