Ел башыннан Әлмәт юлларында 29 җәяүле юл-транспорт һәлакәтендә зыян күргән

2 җәяүле үлде, 29 кеше Әлмәт юлларында 30 юл – транспорт һәлакәтендә зыян күрде-бу ел башыннан ЮХИДИ статистикасы. Автоинспекторлар кисәтәләр: көз һәм кыш айларында мондый аварияләр саны арта. Җаваплылыкның зур өлеше машина йөртүчеләрдә. Аларга үзләренә дә, юл хәрәкәтенең башка катнашучыларына да маневр өчен урын калдырырга кирәк. Иң мөһиме-тизлекне арттырмау.

Юл хәрәкәте кагыйдәләрен җәяүлеләр дә, машина йөртүчеләр дә боза. 

Моны автоинспекторларның статистикасы да раслый. Елның 10 аенда юл хәрәкәтендә катнашкан 4144 кеше юл хәрәкәте кагыйдәләрен бозган. Алар юлны кызыл төскә яки тиешле булмаган урында чыккан.

«Быел җәяүлеләр катнашында 30 юл-транспорт һәлакәте теркәлгән, аларда 2 кеше һәлак булган, 29ы имгәнгән. Машина йөртүчеләргә мәктәпләр, балалар бакчалары, тукталышлар, юл чатлары һәм җәяүлеләр кичү урыннары яныннан барганда аеруча игътибарлы булырга киңәш итәбез», – дип сөйләде РФ Эчке эшләр министрлыгының ЮХИДИ идарәсе башлыгы Валерий Гыйздәтуллин.

Закон күзлегеннән караганда, машина йөртүче руль артындагы кеше генә түгел, «ә югары дәрәҗәдә куркыныч тудыручы техник чара белән идарә итүче».

Юл хәрәкәте кагыйдәләренең 10 нчы пункты буенча автомобильче лимиттан артмаган тизлекне сайларга тиеш, икенчедән тизлек һава шартларына туры килергә, өченчедән, машина йөртүчегә транспорт хәрәкәтен даими контрольдә тотуны тәэмин итәргә тиеш, ди белгечләр.

Җәяүлеләр тарафыннан 4000 нән артык хокук бозу булса, машина йөртүчеләр аларга 1859 тапкыр юлдан аркылы чыкканда өстенлек бирмәгәннәр.

Статистикага кире кайткач, җәяүлеләр кагыйдәләрне ешрак боза дип әйтергә мөмкин. Бу ешрак ачыклана башлады. Узган ел кызылга яки юлны тиешле булмаган урыннан  2854 җәяүле чыккан булган.

Әгәр дә сез машина йөртүче булсып, җәяүлене таптаткансыз икән, юристлар башта 112 номеры буенча шалтыратырга киңәш итә. Бу барлык кирәкле ашыгыч ярдәм хезмәтләрен бер тапкыр чакырып, вакытны сакларга ярдәм итәчәк. Ә аннары-шунда ук консультантка шалтыратып киңәшләшергә мөмкин.