ТР дәүләт хезмәткәрләренең вазыйфаи окладлары артачак

ТР Президенты дәүләт хезмәткәрләренә хезмәт хакын арттыру турындагы указга кул куйды. Тиешле документ хокукый мәгълүмат сайтында урнаштырылган.

"«Тәэмин итүче белгечләр» категориясендәге 3 нче разрядлы белгечләрнең вазифаи оклады күләме 1,03 тапкыр индексацияләнәчәк, ул 11 498 сум тәшкил итәчәк", - диелә документта.

Шул исәптән эшчәнлекне техник тәэмин итүне гамәлгә ашыручы республика дәүләт органнары хезмәткәрләренең хезмәт хаклары да артачак.