Әлмәттә сукбай этләрне стерильләштереп, чип куячаклар
Әлмәттә сукбай песи һәм этләрне тоту, аларны вакцинацияләү, стерильләштерү һәм карап тору өчен 2 млн сум тотылачак.
Сукбай хайваннарны тоту һәм приютларга урнаштырганда аларга карата яхшы мөнәсәбәт булырга тиеш. Бу хакта шәһәрнең торак сәясәте һәм торак-коммуналь хуҗалык департаменты директоры Җәүдәт Сөләйманов журналистлар белән уздырган матбугат конференциясендә сөйләде.
2020 елның 1 гыйнварыннан «Хайваннар белән җаваплы эш итү турында»гы 498-ФЗ законының төп нигезләмәләре үз көченә керде.
Этләрне авырулары һәм травмалары булу-булмауга тикшереп, вакцинацияләп, стерильләштереп, ике атналык карантинга приютка урнаштырачаклар.
Шуннан соң аларга чип куеп, табигый яшәү тирәлегенә җибәрәчәкләр. Кинологлар белән эшләү дә күздә тотыла: алар этләрне агрессивлыкка тикшерәчәк. Барлык сукбай хайваннарга да котыру авыруыннан прививкалар ясалачак.
Следите за самым важным и интересным в Telegram-каналеТатмедиа
Оставляйте реакции
