Танылган җырчы Ильмира Нәгыймова «Татарстанның атказанган артисты» дигән мактаулы исемгә ия булды. Тиешле указга Татарстан Рәисе Рөстәм Миңнеханов кул куйган.
Татарстан Республикасы Рәисе Рөстәм Миңнеханов имзалаган указ нигезендә, эстрада йолдызы Ильмира Нәгыймовага «Татарстан Республикасының атказанган артисты» дигән югары исем бирелде.
- Дәүләт бүләге җырчыга музыка сәнгатен үстерүгә керткән зур өлеше һәм нәтиҗәле иҗаты өчен тапшырыла. Шунысы да игътибарга лаек: әлеге указ белән эстрада, театр һәм академик сәхнә вәкилләре булган башка сәнгать осталары да мактаулы исемнәргә лаек дип табылды.