2012 елның 25 октябрендә Корбан бәйрәме билгеләп үтелә
Мөселман илләренең астрономик обсерваторияләре фәнни тикшеренүләренә таянып, Татарстан мөселманнары Диния нәзарәте казыйлар Советы исәпләүләр ясады. Аның нигезендә ай календаре буенча зөлхиҗҗә аеның беренче көне 2012 елның 16 октябренә, ә Корбан бәйрәменең беренче көне 25 октябрьгә туры килә.
Исегезгә төшерәбез: Татарстан Республикасында Корбан бәйрәме билгеләп үтелә торган көн - 2012 елның 25 октябре - эш көне булмаган бәйрәм көне санала.
Бу көнне республикабызның барлык мәчетләрендә иртәнге намаз 6 сәгать 30 минутта укылачак. 7 сәгать 15 минутта вәгазь, 8.00 сәгатьтә бәйрәм намазы укыла. 9.00 сәгатьтә «Яңа гасыр» телерадиокомпаниясендә Ак мәчеттән (Болгар шәһәре, Спас районы) Корбан бәйрәме турыдан-туры трансляцияләнәчәк.
Следите за самым важным и интересным в Telegram-каналеТатмедиа
Оставляйте реакции
Теги: 250
