Татарстанда смс-пропусклар системасы гамәлдән чыгарыла

ТР Министрлар Кабинеты тарафыннан "Татарстан Республикасында коронавирус инфекциясе таралуны булдырмауга юнәлтелгән чаралар турында"гы яңа карар кабул ителде. 
Яңа редакциядәге карар 12 майдан республика буенча хәрәкәт итү өчен рөхсәт алуны күздә тотмый.

Бу хакта Юстиция министрлыгының норматив хокукый актларны теркәү һәм эшчәнлекне хокукый тәэмин итү бүлеге начальнигы Эльмира Слепнева хәбәр иткән.

Аның сүзләренә караганда, өйдән чыгу өчен гражданнарга СМС-пропуск алу яки эш бирүчедән белешмә кирәк булмаячак.

Чыганак