Казанга БПЛА һөҗүменнән соң, Миңнеханов Татарстан халкын паникага бирелмәскә чакырды
Бүген иртән Казан пилотсыз очкычларның массакүләм һөҗүменә дучар булды.
Бу юлы иртә таңнан тыныч халыкның йортларына һөҗүм иттеләр. Бу хакта Татарстан Рәисе Рөстәм Миңнеханов Телеграм-каналында язды.
«Урында оператив штаб җәелдерелде. Халык эвакуацияләнде, вакытлыча урнаштыру һәм кайнар туклану урыннары оештырылды. Барлык көчләр дә җәлеп ителде», - диде республика җитәкчесе.
Ул Татарстан халкын паникага бирелмәскә чакырды.
«Иң мөһиме паникага бирелмәскә. Хөкүмәткә халыкка эвакуация урыннары турында вакытында хәбәр итәргә бурыч куйдым», – дип яза Татарстан Рәисе.
Искәртик, бүген иртән, Татарстан башкаласына беспилотниклар һөҗүм итте. Оператив мәгълүматлар буенча, 8 беспилотник очып килүе теркәлгән.
Рөстәм Миңнеханов һәм Татарстан Премьер-министры Алексей Песошин «Лазурные небеса» торак комлексында булды. Анда БПЛА һөҗүменнән соң янгын чыккан иде. Шулай ук Казан мэры Илсур Метшин зыян китерелгән биналарны карап йөри.
Тулырак: https://tatar-inform.tatar/news/kazanga-bpla-houmennan-son-minnexanov-tatarstan-xalkyn-panikaga-birelmaska-cakyrdy-5898067
Следите за самым важным и интересным в Telegram-каналеТатмедиа
Оставляйте реакции
