Әлмәттә балалар автомобиль юллары идарәсе эше белән танышты
Мондый экскурсия мәктәп укучылары өчен 3 нче тапкыр оештырыла.
Әлмәт районы башлыгы матбугат хезмәте автомобиль юллары идарәсе белән берлектә 15 нче мәктәпнең 2 нче сыйныф укучылары өчен мавыктыргыч экскурсия уздырды. Бу инде мәктәп укучылары өчен оештырылган өченче экскурсия.
Экскурсия барышында балалар кар җыю өчен җаваплы шәһәр хезмәтләре эше белән таныштылар, белгечләрнең барлык эш этапларын күрделәр, аларга сораулар бирделәр, хәтта техника кабинасында да утырдылар.
Мондый экскурсияләр дәвам итәчәк. Киләчәктә балаларны асфальт-бетон заводы, гадәттән тыш хәлләр министрлыгы һәм башка хезмәтләр эше белән таныштыру планнары бар.
Фото: Әлмәт муниципаль районы башлыгы матбугат хезмәте
Следите за самым важным и интересным в Telegram-каналеТатмедиа
Оставляйте реакции
