Мессенджерларда әлмәтлеләрне язу тотып торган бала турында ялган хәбәр белән куркыталар

Әлмәттәге әти-әниләр социаль челтәрләрдә һәм мессенджерларда мошенникларның хәйләләре турында бер-берсенә хәбәрләр җибәрә башладылар.

Бу юлы явыз ниятле кешеләр балаларны үз партнерлары итеп алганнар дип язалар. Алар аларга ниндидер адрес язылган кәгазьләр бирәләр, урамнарга чыгаралар һәм еларга мәҗбүр итәләр имеш.

"Әгәр юлда елап утырган кечкенә баланы очратсагыз, кулында адреслы кәгазь дә булса, аны шунда алып бармагыз!!! Баланы полициягә алып барыгыз... Бу җинаятьчеләрнең корбанны җәлеп итүнең яңа ысулы. Мондый очраклар булган инде. Туганнарыгызны һәм якыннарыгызны кисәтегез. Бу турыда күбрәк кеше белсен өчен таратыгыз", - диелә хәбәрдә.

Россия Эчке эшләр министрлыгының Әлмәт районындагы матбугат хезмәтендә хәбәр итүләренчә, рассылкада мәгълүмат ялган, полициягә гаризалар килмәгән.