Әлеге йортларда яшәүчеләр су үтүдән, дымлы подвалдан зарлана.
Гагарин урамындагы 18 нче йортта подъездларда пычрак, стеналар төрле төстәге буяу белән буялган, ә чыбыклар хаотик «пәрәвез» белән эленеп тора. Фатирларның берсендә су басу эзләре күренә. Түшәмдә һәм стеналарда сары эзләр калган, тәрәзә төпләрендә чокырлар бар. Шул ук урамдагы 11 нче йортта да фатирны су басу теркәлгән.
- Муса Җәлил урамындагы 16 нчы йортта подъездга керү баскычлары авария хәлендә. Алар читкә тайпылган, тирән ярыклар белән капланган. Белоглазов урамындагы 153 нче йортта өченче кат дәрәҗәсендәге су торбасының төзек булмавы аркасында фасад даими рәвештә дымлана һәм җимерелә, ә фатирларга су үтә.