Әлмәттә пенсионерларның XII «Өченче буын» спартакиадасы старт алды

26 гыйнварда Әлмәт муниципаль районының «Актив озын гомерлелек» программасы кысаларында пенсионерлар арасында XII «Өченче буын» Спартакиадасы ачылу тантанасы булды. Бу хакта район башлыгының матбугат хезмәте хәбәр итә. 

Программа 2018 елдан бирле тормышка ашырыла. Бу чорда анда 12 мең пенсионер җәлеп ителгән һәм актив катнаша, 12 физкультура-сәламәтләндерү клубы эшли. Бу эшнең нәтиҗәсе буларак, спорт белән шөгыльләнүче пенсионерлар арасында авыручылар санының кимүен билгеләп үтәргә мөмкин. 

Спорт ярышларында катнашучыларны Әлмәт муниципаль районы ветераннар советы рәисе вазифаларын башкаручы Клара Минһаҗева, физик культура, спорт һәм туризм идарәсе башлыгы Дмитрий Бакалдин, «Татнефть» ветераннар советының берләштерелгән оешмасы рәисе Николай Бочкарев сәламләделәр.

"Безнең нефтьчеләргә, барлык шәһәр компанияләренә һәм оешмаларына, предприятиеләргә рәхмәт белдерәсем килә, авыр чорларга карамастан, сезгә  ярдәм итүләрен дәвам итәләр. Без актив үсештә. Сезнең ярдәм белән Әлмәт муниципаль районы 2021 ел нәтиҗәләре буенча республикада спорт-массакүләм эшен оештыру буенча иң яхшысы булды", - дип билгеләп үтте Дмитрий Бакалдин.

"Без актив озын гомер яклы. Беркемгә дә авырмаска. Сәламәтлек сезгә!"- дип теләкләрен җиткерде Николай Бочкарев.

"Без яңа казанышларга әзер. Яңа елны без позитив белән башладык. Шулай дәвам итәргә. Җиңүләр, сәламәтлек һәм актив озын гомер телим", - диде Клара Минһаҗева.

Аннан соң унберенче «Өченче буын» спартакиадасы җиңүчеләрен һәм ветераннар Советы җыелма командасы әгъзаларын бүләкләү булды.