Татарстан Рәисе Рөстәм Миңнеханов 28 сентябрь көнне республика парламенты утырышында еллык Юллама белән чыгыш ясаячак. Чара Салих Сәйдәшев исемендәге Дәүләт Зур концерт залында иртәнге сәгать 10да башланачак һәм туры эфирда күрсәтеләчәк.
Татарстан Дәүләт Советы Президиумы утырышында мөһим карар кабул ителде: 28 сентябрьдә республика парламентының 23 нче утырышы чакырыла. Анда җиденче чакырылыш Дәүләт Советы алдында Татарстан Рәисе Рөстәм Миңнеханов республиканың эчке һәм тышкы үсеше турында еллык Юллама белән чыгыш ясаячак.
Утырыш Салих Сәйдәшев исемендәге Дәүләт Зур концерт залында оештырыла һәм иртәнге сәгать 10:00 дә башлана. Депутатлар көн тәртибенә бердәнбер мәсьәләне кертте: ул да булса, Президентның Юлламасын тыңлау. Гадәттәгечә, ватандашлар бу мөһим вакыйганы турыдан-туры телевидение һәм радио аша күзәтә алачак.