Нурания Әсхәт кызын хөрмәтләделәр.
Нурания Әсхәт кызы 1936 елның 20 сентябрендә Самара өлкәсенең Камышлы районы Камышлы авылында колхозчы гаиләсендә туа. Камышлы урта мәктәбен, аннары Самара мәдәни-агарту училищесын тәмамлый. 1955 елда хәрби хезмәткәргә кияүгә чыга, парның ике баласы туа. 1975 елда Нурания Әсхәт кызы балалар китапханәсендә китапханәче булып эшли башлый. Хезмәт эшчәнлеген ул 2000 елда район үзәкләштерелгән китапханә системасы директоры вазифасында тәмамлый.
- Нурания Әсхәтовна элек кешеләр җиңел яшәмәде дип сөйли. Күпләрнең көнкүреше төзекләндерелмәгән, китапханәдә китаплар җитми, бүлмәләр кысан, юллар начар, ә кайбер урыннарда бөтенләй юк. Бүген барысы да үзгәрде, балалар инде бу бәла-казаларны белми. Ул үзгәрешләргә һәм тормышның яхшыруына чын күңелдән шат.
Нурания Әсхәт кызын бу истәлекле дата белән ТР Дәүләт Советы депутаты Марат Галиев, башкарма комитет җитәкчесенең социаль мәсьәләләр буенча урынбасары Фәнис Мортазин, мәдәният идарәсе җитәкчесе Роза Галиева, социаль яклау идарәсе җитәкчесе Рөстәм Гәрәев, ветераннар Советы Рәисе урынбасары Надежда Царева һәм элеккеге хезмәттәшләре котлады. Чәй эчкәндә аның истәлекләрен һәм акыллы киңәшләрен тыңладылар. Аның төп тормыш принцибы-кешеләрне ярату-безнең барыбыз өчен дә үрнәк булып кала.