Әлмәттә 31 декабрьдә Бабаевлар гаиләсе 50 ел бергә гомер итүләрен билгеләп үттеләр

Яңа ел алдыннан 2021 елның 31 декабрендә Виктор Николаевич һәм Вера Михайловна Бабаевлар гаиләсе 50 ел бергә гомер итүләрен билгеләп үттеләр.​

Яшь парлар 1971 нче елның 31 нче декабрендә никахлаша. 1973 елда кызлары Елена, ә 1982  елда уллары Владимир туа.

Вера Михайловна 17 яшендә Яңа Сөләйдә оператор булып эшли башлый. Бер үк вакытта Әлмәт нефть техникумының кичке бүлегендә  укый. 1980 елдан инженер булып эшли.​

Виктор Николаевич 16 яшеннән эшли башлаган, һәрвакыт актив булып, спартакиадаларда, спортның күп төрләре буенча ярышларда катнашкан һәм спорт буенча методист итеп күчерелгән.

Виктор 1972 елда спорт техникумын тәмамлый һәм спорт мастерлыгына кандидат разрядын ала.

Ирекле башлангычларда 6 нчы урта мәктәп каршында түгәрәк оештыра, анда озак еллар малайлар һәм кызларга өстәл теннисы серләрен өйрәтә.  1985 елда  спорт мәктәбен төзү турында хыялы тормышка ашырыла, Виктор Николаевичны аның директоры итеп билгелиләр. Үз эшенә бирелгән төрле елларда чын спортчылар, чемпионнар тәрбияләгән. Балалар-яшүсмерләр спорт мәктәбендә шөгыльләнүчеләр Татарстан чемпионатында 15 тапкыр җиңделәр, Россия чемпионаты финалистлары булдылар.

Виктор Николаевичка Татарстан Республикасының атказанган мәдәният һәм спорт хезмәткәре исеме бирелде. Юбилярларны котлыйбыз һәм аларга озын гомер телибез!