Әлмәттә диспетчерлаштыру үзәге булачак

«Сентябрьдән шәһәребез өчен яңа цифрлы чишелешләр кертергә торабыз. Алар безгә автобуслар һәм троллейбусларны берләштерергә мөмкинлек бирәчәк. Мондый карар бөтен хәрәкәт процессын автомат рәвештә контрольдә тотарга мөмкинлек бирәчәк, нәтиҗә буларак, транспорт көтү вакыты җайга салыначак», - диде Тимур Нагуманов.

Ул шулай ук җәмәгать транспорты проблемасының зур булмаган шәһәрләр өчен актуаль булуына басым ясады һәм: «Без бөтен Россиядән коллегалар белән аралаштык һәм безнең «Газель»ләр һәм кечкенә «маршрутка»лар дәрәҗәсенә кадәр төшмәячәгебезне аңлыйбыз», - дип билгеләп үтте.

Район башлыгы хәбәр иткәнчә, ел саен районда җәмәгать транспорты эше өчен 200 млн сум кирәк, әмма бюджет 40-50 млн сум гына бирә ала. «Әйе, бу зур акчалар, әмма ул күп нәрсәне үзгәртә алачак. Кешеләргә уңайлы булсын өчен җәмәгать транспортына ярдәм итәчәкбез», - диде башлык.