Татарстанлыларның 2026 елда күпме социаль пенсия аласы билгеле булды
2026 елда Татарстанда яшәүчеләрнең бер өлешенең картлык буенча социаль пенсия алу мөмкинлеге бар. Сүз кирәкле хезмәт стажы яки иминият пенсиясе алу өчен пенсия баллары санын тупламаган гражданнар турында бара. Бу хакта «Татар-информ» хәбәр итә.
Россиядә картлык буенча пенсияләрнең ике төре бар: иминият һәм социаль. Иминият пенсиясен билгеләү өчен ким дигәндә 15 ел стаж һәм 30 пенсия баллы кирәк. Әгәр мондый шартлар булмаса, гражданинга социаль пенсия билгеләнә.
Киләсе елда социаль пенсиягә 1957 елгы ир-атлар һәм 1962 елгы хатын-кызлар хокук алачак. Шул ук вакытта гражданнар үзләре карар кабул итә алалар: социаль пенсиягә чыгарга яки стаж һәм страховой пенсия билгеләү өчен баллар туплау өчен эшләүне дәвам итәргә.
2026 елда социаль пенсиянең минималь күләме 9 424,1 сум тәшкил итәчәк. Әгәр бу кешенең бердәнбер кереме икән, аңа Татарстанда пенсионерның яшәү минимумы күләменә кадәр социаль өстәмә түләү билгеләнәчәк-16 098 сум.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
