Әлмәт таңнары

Әлмәт районы

18+
Татар-информ

Татарстанда партияләр җирәбә салуда катнашты

Партия һәм кандидатлар массакүләм мәгълүмат чараларында агитациягә керешәләр

Республикада региональ дәүләт басма матбугат басмаларында басма мәйданны бүлү буенча җирәбә салу узды.

«Бердәм Россия» нең сайлау штабы җитәкчесе Юрий Камалтынов билгеләп үткәнчә, кампаниянең иң актив һәм иң кызыклы чоры – массакүләм мәгълүмат чараларын үз позициясен, сайлау алды агитациясен һәр сайлаучыга җиткерү өчен куллану башлана.


"Без, әлеге этапны көтеп тормыйча, барлык мөмкин булган чараларны кулланып, массакүләм агитация эшләре алып барырга тырыштык", - дип хәбәр итте Камалтынов.


"Массакүләм мәгълүмат чараларында агитация массакүләм колачлау, һәркемгә барып җитү мөмкинлеге бирә. "Бердәм Россия" закон кысаларында барлык мөмкинлекләрдән дә файдаланачак. Без басма һәм электрон массакүләм мәгълүмат чаралары мөмкинлекләрен максималь рәвештә кулланачакбыз", - дип ассызыклады Юрий Камалтынов.


«Бердәм Россия» сайлау штабы җитәкчесе сүзләренә караганда, эфир вакытын һәм басма массакүләм мәгълүмат чараларында урыннарны бүлү буенча җирәбә салу – барлык партияләргә һәм кандидатларга тигез мөмкинлекләр бирә торган механизм.

Реклама


Эфир вакыты 12 төбәк каналында (биш телеканал, җиде радиоканал) өч телерадиотапшырулар оешмасында (Татарстан ДТРК, ТНВ, "Татмедиа") һәм ике муниципаль каналда (бер телеканал, бер радиоканал) сигезенче чакырылыш Дәүләт Думасына депутатлыкка теркәлгән 53 кандидат арасында бүленәчәк.


Бушлай басма мәйданны бүлү буенча җирәбәдә 86 төбәк газеталары редакциясе һәм бер муниципаль район катнаша.


Бүгенге көннән башлап партия барлык муниципаль районнарда да пикет программасын башлап җибәрә – пикетлар барышында бердәмроссиялеләр халыкка партия бурычларын күзаллап җиткерәчәк, шулай ук халыкка партия һәм кандидатларга наказлар җыю буенча барлык мөмкинлекләр турында сөйләячәкләр.


РФ Дәүләт Думасына сайлауларда тавыш бирү 17, 18 һәм 19 сентябрьдә узачак.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса