Әлмәт спортчысы йөзү буенча «Mad Wave Challenge 2021» бөтенроссия ярышларының бронза призеры булды
6 ноябрьдә Казан шәһәрендә йөзү буенча «Mad Wave Challenge 2021» бөтенроссия ярышлары тәмамланды.
Чарада Россиянең 26 төбәгеннән 11-14 яшьлек егетләр һәм кызлар, шулай ук Белоруссия һәм Молдова спортчылары катнашты.
Безнең шәһәр данын Әлмәтнең олимпия резервы спорт мәктәбенең яшь спортчысы Анастасия Кузьмина яклады.
Ул 100 м га баттерфляй һәм 200 м га баттерфляй белән йөзүдә ике бронза медаль яулады, 2021 ел сезонында Mad Wave Challenge гомуми зачетында бронза медаль яулый алды.
Шулай ук Анастасия 11 яшьлекләр төркемендә, 200 м га баттерфляй ысулы белән йөзүдә яңа рекорд куйды.
Спортчыбызны һәм аның тренерлары Смирнова Ксения Александровнаны һәм Ожегина Надежда Геннадьевнаны котлыйбыз!
Следите за самым важным и интересным в Telegram-каналеТатмедиа