Әлмәт районында дүрт кеше һәлак булды, 20дән артык кеше зыян күрде

2024 елның өч аенда Әлмәт районы территориясендә 19 юл-транспорт һәлакәте булды, аларда 4 кеше һәлак булды һәм 22се төрле җәрәхәтләр алды. Районда 16 яшькә кадәрге балалар арасында 2 юл-транспорт һәлакәте теркәлгән, аларда ике бала тән җәрәхәтләре алган.

Юл-транспорт һәлакәтләренең үсүе, шулай ук дача сезоны башлану сәбәпле, Әлмәт дәүләт автоинспекциясе хезмәткәрләре ял һәм бәйрәм көннәрендә эшне көчәйтәчәк.

Дәүләт автоинспекциясе ата-аналарны балаларның иминлегенә җитди карарга чакыра. Балаларга юлда куркынычсыз тәртип кагыйдәләрен искә төшерү һәм аларны контрольдә тоту мөһим.