Атна уртасында кар ява башлаячак: автоинспекторлар әлмәтлеләрне саклык чарлары турында онытмаска чакыра

Әлмәт районында һава торышы атна башына рәтләнде. Бүген һәм иртәгә синоптиклар бураннардан ял  вәгъдә итәләр. Әмма пәнҗешәмбедән көчле җил һәм болытлы һава торышы, кар явачак дип фаразлана. Автоинспекторлар машина йөртүчеләрне һәм җәяүлеләрне кисәтәләр, шул ук вакытта юлда үз-үзеңне тотуның иң гади кагыйдәләрен искә төшерәләр.

Узган атна ахырында шәһәр читендәге юлларда кар күп  булды. Һава торышы проблемасын хәл итүгә шәһәрнең барлык ашыгыч хезмәтләре кушылды. Автоинспекторларны да начар һава торышы читләтеп үтмәде. Аларга кагыйдәләрнең үтәлешен контрольдә тоту гына түгел, юл-транспорт һәлакәтләрен кисәтү дә йөкләнә.

"Катлаулы метеорологик шартларда максималь рөхсәт ителгән хәрәкәт тизлеге белән түгел, ә барлыкка килгән шартларда куркынычсызлык тәэмин итә торган тизлекне сайларга кирәк. Куркыныч маневрлардан тыелырга кирәк, бигрәк тә каршы хәрәкәт өчен билгеләнгән юл ягына чыгу белән бәйлеләреннән", – дип аңлатма бирде Әлмәт районы буенча әүләт автоинспекциясе бүлеге начальнигы урынбасары Андрей Лиманский.

Соңгы ике атнада берничә тапкыр шәһәр яны трассалары буенча хәрәкәт куркынычсызлык сәбәпләре аркасында чикләнгән, әмма стихиянең киң таралуы аркасында тулысынча тукталган. Кар һәм бураннар шәһәрдә дә сизелә. Һәм куркынычсызлык кагыйдәләрен, автоинспекторлар фикеренчә, бөтен кешегә дә искә төшерергә кирәк.

"Көннең караңгы вакытында яки күрү мөмкинлеге җитәрлек булмаган шартларда җәяүлеләргә үзләре белән яктылык кайтаручы элементлар тагып йөртергә кирәк. Бу әйберләрне транспорт чаралары йөртүчеләрнең  күрү мөмкинлеген тәэмин итәргә кирәк", – дип билгеләп үтте Андрей Лиманский.

Атна башында бураннар туктап тора. Пәнҗешәмбедән синоптиклар көчле җил һәм болытлы һава торышы белән кар явачагын кабат фаразлый. Караңгылык тизрәк төшәчәк һәм буран күрүчәнлекне киметәчәк. Автоинспекторлар юл хәрәкәтендә катнашучыларны  шәһәр һәм район юлларында сак булырга чакыра.