Әлмәттә Ленин-Радищев урамнары киселешендә юл-транспорт һәлакәте булды.
Бу хакта ЮХИДИ матбугат хезмәте хәбәр итә. Автоинспекторларның башлангыч мәгълүматлары буенча, юл-транспорт һәлакәте Киа Спортейдж автомобилен йөртүче аркасында килеп чыккан, ул сулга светофорның яшел сигналы буенча борылганда Ваз 211240 автомобиленә өстенлек бирмәгән һәм аның белән бәрелешкән.
Юл-транспорт һәлакәте нәтиҗәсендә ВАЗ 211240 автомобиле йөртүчесе һәм пассажиры төрле җәрәхәтләр алган, куркынычсызлык каешлары белән эләктерелгән булганнар.