Рөстәм Миңнеханов республика табибларына 54 яңа ашыгыч ярдәм машинасы бүләк иткән
Барлык машиналарга да үзебездә җитештерелгән заманча медицина җиһазлары урнаштырылган һәм пациентларга медицина ярдәме күрсәтү өчен махсуслаштырылган.
2 ел эчендә республика хастаханәләренә республика акчасына сатып алынган 291 ашыгыч ярдәм автомобиле тапшырылды, республиканың медицина учреждениеләренә 29 машина килде, тиздән тагын 17 берәмлек техника кайтачак.
ТР Президенты искә төшергәнчә, соңгы 4 ай республика сәламәтлек саклау системасы өчен җитди сынау булды.
"Форсаттан файдаланып, медицина учреждениеләренең барлык җитәкчеләренә һәм сезнең коллективларыгызга фидакарь хезмәтегез өчен рәхмәт белдерәсем килә. Коронавирус беркая да китмәде. Әмма бүген СОVID-19 белән көрәшергә һәм планлы хезмәт күрсәтүне кире кайтарырга кирәк," - диде республика башлыгы.
Следите за самым важным и интересным в Telegram-каналеТатмедиа