Нефть институты волонтерлары шушы көннәрдә балалар йортында кунак булды.
Әлеге очрашу студентларның «Дус булыйк» социаль проекты кысаларында оештырылды. Әти-әни тәрбиясеннән мәхрүм калган балалар өчен әлеге чара көтелмәгән зур шатлык китерде: өлкәнрәкләр гитарада уйнау серләренә төшенде, нәниләр исә төрле уен-бәйгеләрдә күңел ачты. Студентлар кечкенә дуслары янына бүләкләр белән дә килгән иде, кул эшләре һәм иҗат белән шөгыльләнү өчен кирәк-яракларны балалар сөенеп кабул итте.
Фото АГНИ сайтыннан алынды