Җәмгыять
Әлмәт пилоты белән хушлашу көне билгеле булды
Хәрби самолет Азов диңгезенә егылып төшү нәтиҗәсендә һәлак булган өлкән лейтенант Тимур Хисмәтуллин белән хушлашу мәрасиме 22 июльдә 10.00 сәгатьтә Әлмәттә була.
«Тимурны 22 июль көнне Әлмәттә соңгы юлга озатачаклар. Мәрхүм белән хушлашу мәрасиме – 10.00 сәгатьтә Яшьләр үзәгенең тамашачылар залында, җеназасы 11.00 сәгатьтә Яшьләр үзәге артындагы Часовняның 1нче корпусында була», - дип хәбәр иттеләр Әлмәтнең 17нче мәктәбе (очучы шунда укыган) социаль челтәрендә.
Элегрәк «Татар-информ» агентлыгы Тимур Хисмәтуллинның Краснодар краенда өйрәнүләр вакытында һәлак булуы хакында хәбәр иткән иде. Аның самолеты Азов диңгезе акваториясендә һәлакәткә юлыккан.
Следите за самым важным и интересным в Telegram-каналеТатмедиа