Әлмәт автоинспекторлары 7 автобус йөртүчедә хокук бозу очракларын ачыклады

Казан-Оренбург юлында махсус «Тоннель» чарасы узды. Экипаж автобус йөртүчеләрнең хокук бозуларын ачыклаган, дип хәбәр итә Әлмәт  ЮХИДИ бүлеге.

Автоинспекторлар 1,5 сәгать эчендә 40 автобусны тикшерде. Барлыгы 7 юл хәрәкәте кагыйдәләрен бозу очрагы ачыкланган, шуларның 4се автобус йөртүчеләргә туры килә – алар пассажирларны куркынычсызлык каешларыннан башка йөрткәннәр. Ике җиңел машина йөртүчегә – куркынычсызлык каешы, бер йөк автомобиле йөртүчегә-госномер булмау өчен беркетмәләр төзелде.

Фото: ЮХИДИ