Әлмәттә фронт бригадасы ветераннарны котлый

Әлмәттә «Фронт бригадалары» бөтенроссия акциясе кысаларында район башлыгы Тимур Нагуманов исеменнән истәлекле бүләкләр, чәчәкләр һәм котлауларны Бөек Ватан сугышы ветераннары Любовь Ивановна Козлова, Ольга Романовна Макарова һәм Маргарита Викторовна Апраксинага җиткерделәр. Бу хакта Әлмәт муниципаль районы башлыгының матбугат хезмәте хәбәр итә.

Район башкарма комитеты җитәкчесе Айдар Каюмов ветераннарга чын күңелдән рәхмәт сүзләрен җиткерде. Аларга нык сәламәтлек, иминлек, озын гомер теләде һәм Җиңүнең 77 еллыгына багышланган истәлекле бүләкләр тапшырды.

Любовь Козлова 1942 елның апрелендә армиягә алына һәм Ярославль интендант училищесына укырга җибәрәләр. 1942 елның 1 сентябрендә Сталинград фронтына җибәрәләр. Җиңүне ул Берлин янында каршы алды. Отставкадагы Лейтенант ире белән ул үстерәләр, ике оныгы һәм өч оныкчыгы бар.

Ольга Макарованы 1943 елда (кечкенә була) әти-әнисе белән бергәләп, Балтутино авылына кадәр конвоирлар колонна белән озата. Бер айдан соң аларны Смоленск өлкәсенең Рославль шәһәрендә урнашкан концентрацион лагерьга күчерәләр. 1943 елның сентябрендә совет гаскәрләре тарафыннан азат ителә.

Маргарита Апраксина 1941 елдан 1943 елга кадәр Брянск өлкәсенең оккупацияләнгән территориясендә мәҗбүри тоту урыннарында була. 1943 елның декабрендә Кызыл Армия частьләре тарафыннан азат ителә.

Ветераннар яши торган йортлар каршында Әлмәт коллективлары музыкаль номерлар белән чыгыш ясады.

Фото: Әлмәт муниципаль районы башлыгының матбугат хезмәте.