Әлмәт район башлыгы «Татарстанның энҗе бөртеге – 2021» титулына ия булган Тамара Осинаны якынлашып килүче Яңа ел белән котлады
Тимур Нагуманов аңа спортта гына түгел, укуда да, музыкада да уңышлар, авырлыклар алдында тукталып калмавын һәм, иң мөһиме, бәхетле булуын теләде.
Район башлыгы Тимур Нагуманов Тамараның хыялын Яңа ел алдыннан башкарды-ул планшетын яңартты. Район башлыгы киләчәккә планнар белән кызыксынды. Тамара ышаныч белән: "Җиңәргә!» дип җавап бирде.
Тамара Осина 2003 елның 14 маенда Әлмәттә туа. 19 нчы мәктәпнең коррекция сыйныфын тәмамлый.
Кызыклы факт - Тамара биеклектән курыккан. Әмма шуңа карамастан, әнисе аны тау чаңгысында шуарга һәм куркуны җиңәргә өйрәтә алган тренерны тапкан. Нәтиҗә озак көттермәде. 2021 елның февралендә Тамара спортның кышкы төрләре буенча II Бөтенроссия Махсус Олимпиадасы чемпионы булды. Ул 1 урын - супергигант һәм 3 урын - гигант булды.
2021 елның декабрендә тау чаңгысы спорты буенча Махсус Олимпиаданың Бөтенроссия ярышларында Тамара янә призлы урыннар яулады.
Әле күптән түгел генә 2021 елның 18 декабрендә янә чираттагы бүләккә ия булды. Тамара Осина «Татарстанның энҗе бөртеге-2021» миссы булды. 23 декабрьдә аны Ел спортчысы номинациясендә бүләкләделәр.
Тамара – күпкырлы шәхес. Кыз спорт белән генә түгел, бию белән дә шөгыльләнә. Мәктәптә һәм республика конкурсларында берничә тапкыр бию буенча беренче урыннар яулаган. Хәзер үзен музыкада да сыный — фортепианода уйнарга өйрәнергә. Әлбәттә, барысы да берьюлы булмый. Тырышып эшләргә туры килә. Ул, үз максатларына ирешеп, алга бара. Әти-әнисе ярдәме белән ул югары нәтиҗәләр күрсәтә.
Следите за самым важным и интересным в Telegram-каналеТатмедиа