Әлмәттә "халык таксие" эшли башлады

Җәмәгать транспортында QR-кодлар  турында таләпләр кертелгәннән соң, әлмәтлеләрнең күбесенә эшкә ничек барып җитү яки, мәсәлән, баланы бакчага кадәр ничек итеп илтү мәсьәләсе килеп басты.

23 ноябрьдә популяр мессенджерда юлдашларны эзләү буенча канал оештырылды, анда Әлмәт халкы тиешле урынга барып җитү өчен кешеләрне алып бару яки машина йөртүче табу тәкъдиме белән белдерүләр яза.

Канал кагыйдәләре буенча, юлдашлар #машина йөртүче яки #пассажир хэштеглары ярдәмендә бүленә.