COVID-19га кагылышлы сорауларга Татарстан "кызы" Лилия җавап бирә башлый
Бүген ТР мәгълүматлаштыру һәм элемтә министры Айрат Хәйруллин Инстаграмда Лилия исемле яңа дустын тәкъдим итте.
Министр хәбәр иткәнчә, аның алгоритмы нейрон челтәрләрен куллана, робот татарстанлылар юллаган COVID-19 темасына кагылышлы 100 гә якын сорауга җавап бирергә сәләтле.
Шунысы мөһим, ул арымый һәм тәүлеккә 24 сәгать буе эшли.
Лилиягә сорауларны +78432070103 яки 8-800-250-90-33 телефоннары буенча юлларга була. Аның белән аралашу өчен тавышлы менюда 3 нче пунктны сайларга кирәк булачак.
Ул сорауга җавап бирергә кыенсынган очракта автомат рәвештә контакт-үзәктәге белгечләр белән тоташтырачак. Киләчәктә Лилиягә торак-коммуналь хуҗалык өчен счетчик күрсәткечләрен кабул итүне өйрәтергә исәплиләр.
Фото:скриншот Инстаграм
Следите за самым важным и интересным в Telegram-каналеТатмедиа
Оставляйте реакции
