Әлмәт шәһәренең медсанчастендә медицина сыйныфы укучылары практика уза

Әлмәт Медсанчастендә 20 нче номерлы мәктәпнең унынчы медицина сыйныфында укучы 25 укучы производство практикасы уза. Мәктәп укучылары кече медицина персоналының ярдәмчеләре сыйфатында волонтерлык ярдәмен күрсәтәләр, дип хәбәр итә ТР сәламәтлек саклау министрлыгы.

11 сыйныфтан соң укучылар  медицина югары уку йортларына укырга керергә планлаштыралар. Медсанчастьтә алар практикада булачак һөнәр белән танышалар, гади манипуляцияләрне үзләштерәләр, тәҗрибәле медиклар эшен күзәтәләр, медицина бүлекләренә һәм хезмәтләренә йөриләр. Экскурсия белән укучылар операция блогында да булдылар.

«Минем бабам-стоматолог, аның юлыннан барырга җыенам. Кечкенәдән кеше организмы һәм тешләр белән кызыксынам. Медицинаның барлык юнәлешләрен дә өйрәнәсем килә. Бу гади тормышта да, эштә дә ярдәм итә ала. Травматология бүлегендә практика узам. Шәфкать туташлары белән таныштым, медсанчастьтә бик яхшы коллектив», – дип сөйләде булачак медик Радмир.

"Медицина классы укучылары биш бүлектә: кардиология, хирургия, кардиохирургия, травматология бүлегендә, беренчел кан тамырлары үзәгендә практика узалар. Аларның һәркайсына бүлекчәнең өлкән шәфкать туташы йөзендә остаз беркетелгән. Һәр иртәне без алар белән кечкенә планеркалар үткәрәбез, анда алар нәрсә эшлиләр, аларга нәрсә ошавы турында сөйлиләр. Укучылар инструктаж уздылар, санэпидрежимны үтәү һәм шәхси саклану чараларын куллану турында даими исегезгә төшерәбез. Алар башкара торган манипуляцияләр: артериаль кан басымын, тән температурасын, пульсны, үсешне, авырлыкны үлчәү, пациентларны тикшерүгә озату, авыручыларны кресло-каталокларда ташу, пациентларны ашату. Шуны да билгеләп үтәсе килә, балалар медицинага карата актив кызыксыну күрсәтәләр һәм биремнәрне бик яхшы башкаралар. Киләчәктә квалификацияле белгечләр сыйфатында алар медсанчасть коллективы сафын тулыландырса, шат булачакбыз", - диде медсанчастьнең баш шәфкать туташы Лилия Лотфуллина.

Фото: «Татнефть» медсанчасте