Әлмәт "Кванториум"ында "Виртуаль һәм өстәмә чынбарлыкны эшләү" компетенциясе буенча WorldSkills чемпионатының республика этабы узды

Җиңүчеләр Саранскида узачак Бөтенроссия ярышларында Татарстан данын яклаячак.

Ярышларның баш эксперты Эмиль Хәлилов командаларның бурычларына сыйфатлы цифрлы продукт эшләү керә, дип хәбәр итте. Элек ул үз эченә виртуаль һәм өстәмә чынбарлык кушымталарын алган. XR-кушымта да өстәгәннәр. Чемпионатта катнашучылар аны квест-уеннар рәвешендә ниндидер шартлы брендны рекламалау өчен булдырырга тиеш. Теориядә кулланучылар  виртуаль чынбарлык күзлеге ярдәмендә төрле биремнәр үтәп, цифрлы промокод ала, ягъни сатып алулар өчен ташламалар, бонуслар. 

"Кванториум" технопаркы директоры Рамил Закиров билгеләп үткәнчә, яшьләрнең IT-өлкә белән кызыксынуы аңлашыла, чөнки бу-хәзерге дөнья үсешенең төп өлкәләренең берсе:

- Үсеп килүче буын заман белән бергә атлый. Прогресс эшчәнлек өчен яңа кыр булдырды һәм балалар аңа җиңел кушылдылар. Мин  көн саен аларның кызыксынуын күрәм. Хәзер авылларда балалар белән дәресләр үткәрәбез. Анда иң популяр юнәлешләр-IT-робототехника. Ә Габдрахман балалары "Ворлдскиллс"ның республика этабында җиңү өчен көрәшүче командага да керделәр. Шул ук вакытта алар хәзер алдынгы урыннарда. Болар барысы да ТР Президентының нефть сәнәгате мәсьәләләре буенча ярдәмчесе Шәфәгать Тәхаутдинов ярдәме белән мөмкин булды. Балалар мәктәптә укытмый торган күп кенә өлкәләрдә белем алып, шөгыльләнеп, мондый чемпионатларда уңышка ирешә ала.