Мәдәният. Сәнгать
Әлмәт драма театры «Иң яхшы милли театр» номинациясендә «Звезда Театрала» премиясенә тәкъдим ителгән
Премия лауреатларын Россия һәм чит илләрнең меңләгән тамашачы интернет-аудиториясе билгеләячәк.
Әлмәт татар дәүләт драма театры һәм Г.Камал исемендәге Татар дәүләт академия театры "Иң яхшы милли театр" номинациясендә "Звезда Театрала" премиясенә тәкъдим ителгән. Бу хакта ТР мәдәният министрлыгының матбугат хезмәте хәбәр итә.
Якташларыбыз өчен 31 августка кадәр тавыш бирергә мөмкин.
Сентябрьдә иң күп тавыш җыйганнары шорт-листка кертеләчәк һәм һәр номинациядә бүләккә өчәр дәгъвачы калачак.
Нәтиҗәләр 4 декабрьдә Вахтангов театрында тантаналы чарада игълан ителәчәк, анда җиңүчеләргә төп тамашачылар бүләге тапшырылачак.
Следите за самым важным и интересным в Telegram-каналеТатмедиа
Оставляйте реакции
