Әлмәттә пианист Олег Аккуратов һәм Австралиядән килгән җырчы Фантина катнашында джаз концерты узды

Искиткеч музыка, тәэсирле, эмоциональ башкару һәм джазның табигый сөйкемлелеге тамашачылар өчен онытылмас нәтиҗә ясады – һәр яңа композиция көчле алкышлар белән үрелеп барды. 

Фантинаның Россиядә тууына ышануы кыен, аның Доминикан республикасыннан булган әнисе һәм Россиядән әтисе бүләк иткән тышкы кыяфәте шулкадәр гадәти түгел. Җырчы берничә тел белә һәм концерт кунаклары инанганча, русча да әйбәт сөйли. 

Олег Аккуратовка килгәндә, бу феноменаль яшь пианист, аңа Россия джаз сәхнәсендә тиңнәр юк. Ул үзе күрмәсә дә, Олег композитор, джаз импровизаторы, җырчы буларак та билгеле. Ул берничә тапкыр ил һәм чит ил йолдызлары белән чыгыш ясады, танылган джаз башкаручылары чакыруы буенча Балтыйк буе, АКШ, Канада, Һиндстан һәм башка илләргә гастрольләргә чыкты. Ике музыкант та Игорь Бутман проектларында актив катнаша.

Ә менә рус шагыйре Сергей Есенин һәм татар композиторы Рим Хәсәнов Олег Аккуратов интерпретациясендә дулкынландыргыч та яңгырады. Сүз уңаенда, джазмен тарафыннан татар телендә дә җыр башкарылды.

- Мин балачактан татар җырларын яратам, - дип сөйләде Олег. - Миңа сезнең мәдәниятегез, гореф-гадәтләрегез ошый. Татарстанда беренче тапкыр гына чыгыш ясамыйм. Биредә тамашачылар һәм җылы атмосфера булуы миңа бик ошый. Энергия һәм позитив өчен Әлмәткә рәхмәт, ә сезнең алда чыгыш ясарга мөмкинлек биргән өчен  "Татнефть"ка рәхмәт.