Әлмәт районында студентлар өчен чара узган

Рус Акташы мәдәният йортында шул уңайдан чара уздырылган. Күптән түгел генә мәктәпне тәмамлаган һәм хәзер көллияттә, техникумнарда, югары уку йортларында белем алучы барлык  студентлар өчен күңелле кичә оештырганнар анда.

Җырлар, биюләр, конкурслар, "Студентларга багышлау" белән квест кичәнең программасын тулыландырган. Оештыручылар катнашучылар өчен кызыклы фотозона әзерләгәннәр, анда тулы бер фотосессия үткәрелгән. Кичәнең ахырында студентлар үзләренә хатлар язганнар һәм аларны "өметләр капсуласы"на җибәргәннәр.