Әлмәттә "Автоледи-2021" бәйгесенең муниципаль этабы узды
Шәһәрдә иң яхшы машина йөртүче исеме өчен 11 хатын-кыз көрәште.
Әлмәттә «Автоледи-2021» конкурсының муниципаль этабы узды. Анда шәһәрнең 11 автомобиль йөртүче хатын-кыз катнашты. Алар арасында профессионаллар да, яңа йөртә башлаучылар да бар.
Конкурс 3 этаптан торды. Беренчесе-катнашучыларның автомобильләрнең техник нормаларга туры килүен тикшергән техник тикшерү. Икенче этапта конкурсантларга юл йөрү кагыйдәләрен белү буенча имтихан тапшырырга туры килде. Ә соңгысында аларны фигуралы йөртү көтә иде. Ул дүрт сынау узудан гыйбарәт: "гараж", "параллель парковка", "боҗра" һәм "змейка". Пөхтәлек һәм тизлек бәяләнде.
"Боларны алар штраф очколарын эшләмәс өчен тиз, чиста узарга тиеш", – дип хәбәр итте "Юл хәрәкәте куркынычсызлыгы " оешмасының территориаль идарәсенең профилактика бүлеге башлыгы Лилия Рафигуллина.
«Фигуралы йөртү» номинациясендә 1 минут 41 секунд нәтиҗә белән Людмила Кулагина җиңүче булды. Икенче урында – Эльвира Ибраһимова. Кызлар 2 августта Әлмәттә узачак конкурсның зона этабында катнашачаклар.
Следите за самым важным и интересным в Telegram-каналеТатмедиа
Оставляйте реакции
