Виноградны кисә башларга вакыт
Август җитүгә виноград аерым игътибар таләп итә. Бу чорда виноград тәлгәшләренең күп өлгерүе башлана, ә иртә сортларны ашап карарга була инде. Нәкъ менә шул чорда «чеканка» ясый башларга кирәк. ⠀
"Чеканка" - лозаның һәм үсентеләрнең яшел өслекләрен кисеп кыскарту. Моны күп сәбәпләр аркасында эшләргә кирәк:⠀
- Лоза киселгәннән соң аның үсеше туктатыла, һәм виноградны өлгертү җиңелрәк. ⠀
- Виноградның кыш чыгучы бөреләренә кискәннән соң күп күләмдә туклыклы матдәләр килә һәм кышлаучы бөреләрдә яхшырак һәм күбрәк төркем чәчәк формалаша.
- Куаклар салкынны яхшырак кичерә. Киселгәннән соң ботаклар кышка кадәр ныгырга өлгерә. ⠀ ⠀
Әшкә керешәбез. Моның өчен лозадагы өске үсентеләренең өлгермәгән өске өлешләрен кисәргә кирәк. Әгәр үсенте бик нык үскән икән, аны беренче нормаль үсеш алган зур яфракка кадәр бетерергә була, тәлгәшләренә җиткәнче 5-7 яфрак калдыру мөһим. Әгәр дә сез виноградны кисү эшендә яңа кеше икән, үсентедә «чеканка»дан соң 15-19 яфрак һәм 10-15 бөре калырга тиеш. ⠀
Беренчә мәртәбә кискәндә, бу эш белән нык мавыгырга кирәкми. Куакны 3-5 көн ара белән берничә тапкыр кисәргә кирәк. Ул чакта куак яфрак югалтуны тыныч кына кичерә алачак. ⠀
Әгәр сез кисү белән нык мавыксагыз, стрессны бетерү өчен виноград интенсив рәвештә яшь артык ян сабакларын чыгара башларга мцмкин. Бу очракта сезгә виноград куакларын фосфор-калийлы ашлама белән тукландырырга кирәк. Бу куакка яшел массаның үсешен туктатырга мөмкинлек бирәчәк һәм киләсе ел уңышы өчен бөреләр үстерүгә бөтен көчен юнәлдерәчәк. ⠀ ⠀
Исегездә тотыгыз, виноградны очлы корал белән генә кисәргә кирәк. Инструментларны спирт эремәсе яки марганецның кара эремәсе белән дезинфекциләргә кирәк.
Следите за самым важным и интересным в Telegram-каналеТатмедиа
Оставляйте реакции
