РФ Тикшерү комитетының ТР буенча тикшерү идарәсе җитәкчесенең өлкән ярдәмчесе Андрей Шептицкий хәбәр иткәнчә, Әлмәттәге бер фатирда 8 яшьлек бала белән ананың мәетләре табылган.
Баланың тәнендә көч куллану билгеләре - буу эзләре ачыкланган.
Беренчел фаразлар буенча 38 яшьлек хатын-кыз үз-үзенә кул салган.
Әлеге очрак буенча РФ Җинаять кодексының 105 нче маддәсе 2 нче кисәгенең "в" пункты буенча җинаять эше кузгатылган.
Аларны баланың әтисе табып алган.
Ишек эчке яктан ябык булган.
Фаҗиганең барлык шартларын билгеләүгә юнәлдерелгән тикшерү эшләре алып барыла.
18+