Әлмәттә өмәгә 300 кеше чыкты

13 майда Әлмәттә Шевченко урамындагы гараж кооперативының өч участогында һәм шәһәр сусаклагычында гомумшәһәр өмәсе узды. Бу инде шәһәр һәм район территориясендә дүртенче зур җыештыру. Бу хакта Әлмәт муниципаль районы башлыгының матбугат хезмәте хәбәр итә.

Территорияне җыештыруга башкарма комитет хезмәткәрләре, предприятие хезмәткәрләре, студентлар һәм волонтерлар чыкты.

Өмәдә катнашучыларга махсус техника ярдәмендә территорияне чүп үләннәреннән, ташлардан һәм чүп-чардан азат итәргә туры килде.

Җыештыруда барлыгы 300 кеше, 15 берәмлек техника җәлеп ителгән. Каты көнкүреш калдыклары полигонына 300 куб. чүп чыгарылган.
 

Фото: Әлмәт районы башлыгы матбугат хезмәте