8 май көнне «ЭКОяз 2022» кысаларында Дала Зәе елгасы буйлап экологик чара узды.
«Экология һәм төзекләндерү департаменты» хезмәткәрләре «Олимп» яшүсмерләр клубына йөрүчеләр белән берлектә елганы көнкүреш чүп-чарыннан чистарттылар. 3 километрлы участокта 50 капчыктан артык чүп-чар җыелды.
Шулай ук, Әлмәт муниципаль районы башкарма комитетының 2022 елның 17 мартындагы 412 номерлы "Санитар-экологик икеайлык үткәрү турында" гы карары нигезендә, 14 майда гомумрайон шимбә өмәсе үткәрелә.
Фото: Әлмәт районы башлыгы матбугат хезмәте