Әлмәтлеләр "Эколидер" бәйгесендә җиңү яулады
21 декабрьдә Казанда «Эколидер» республика конкурсына йомгак ясалды.
Бүләкләү тантанасы «Пирамида» мәдәни-күңел ачу комплексында узды, экологияне саклауга зур өлеш керткән предприятие һәм оешмалар, уку йортлары, иҗтимагый оешмалар, шәһәр һәм авыл җирлекләре вәкилләренә, торак-коммуналь хуҗалык һәм массакүләм мәгълүмат чаралары вәкилләренә бүләкләр тапшырылды. Бу хакта «Татар-информ» МА хәбәр итә.
Әлмәтлеләр дә бүләкләнүчеләр арасында. Массакүләм мәгълүмат чаралары арасында «Иң яхшы телесюжет» номинациясендә икенче урынны «Әлмәт ТВ» телекомпаниясе (ЮВТ-24) яулады. «Торак-коммуналь комплекс» номинациясендә өченче урынны «Әлмәт-Водоканал»АҖ алды. Котлыйбыз!
Следите за самым важным и интересным в Telegram-каналеТатмедиа