Дин вәкилләре коронавирус белән көрәшүче Әлмәт медицина хезмәткәрләрен бүләкләделәр

Медицина хезмәткәрләренә аларның фидакарьлекләре өчен Әлмәт епархиясе идарәчесе, Әлмәт һәм Бөгелмә епискобы Мефодий, шәһәрнең благочинные протоиерей Игорь Новичков һәм социаль хезмәт күрсәтү бүлеге җитәкчесе иерей Константин Петряев та рәхмәт белдерделәр.

- Вакыйга бик истәлекле. Бу Рус Православие Чиркәвенең кызыл зонада хезмәтегез өчен рәхмәт белдерүе, - дип ассызыклады владыка.

Коронавирус йогышына каршы көрәш буенча фидакарь хезмәте өчен иң төп бүләкне Республика клиник онкология диспансерының Әлмәт филиалы баш шәфкать туташы Снежана Илмурзина алды.

Архиерей грамотасы белән үзәк район хастаханәсенең баш табибы Вера Головинаны бүләкләделәр. Рәхмәт хатларын табиб-пульмонолог, йогышлы авырулар госпиталенең бүлекчәсе Семен Протопов, РКОД филиалының табиб-рентгенологы Михаил Бабакаев һәм йогышлы авырулар госпиталенең өлкән шәфкать туташы Татьяна Демидова тапшырдылар.

Шулай ук Әлмәт һәм Бөгелмә епискобы Мефодий кулыннан рәхмәт сүзләрен Ксения Петрова һәм Валентина Макарова алды.

- Тормышны коткару-һәрберебезнең бурычы. Кайчагында ышаныч һәм рухи ярдәм кирәк. Бәла һәрвакыт кешеләрне берләштерә. Сезнең бүләкләр-медиклар өчен югары бәя. Болар барысы да хәзер хастаханә ятагына ятучыларга һәм авыруга каршы көрәшүчеләргә ярдәм итсен. Сезнең хәер-фатихагыз аларга бу җирдә калырга ярдәм итсен, - дип билгеләп үтте Вера Головина.

Владыка шулай ук медицина хезмәткәрләренә рәхмәт белдерде, аларга, якыннарына сәламәтлек теләде, шулай ук хастаханә стеналарында гыйбадәт кылу бүлмәсе эшен яңартуга өмет белдерде. Вера Ростиславовна хәбәр иткәнчә, хәзер бу мәсьәлә хәл ителә. Сүз уңаеннан, үзәк район хастаханәсе территориясендә православие динендәгеләр өчен генә түгел, мөселманнар өчен дә гыйбадәт кылу урыны бар.