Әлмәттә яңа имам-мөхтәсиб сайланды

Шактый киң яңгыраш алган шау-шулардан соң, Фәһим хәзрәт Әхмәтҗанов әлеге вазифадан китүе турында гариза бирде.

Әлеге урынга биредәге мәдрәсәне тәмамлаган, бүгенге көндә Лениногорск районы имам-мөхтәсибе булган Исмаил хәзрәт Сингатуллин билгеләнде.

Чарада Татарстан мөфтие Камил хәзрәт Сәмигуллин, Диния нәзарәтеннән һәм Президент аппаратыннан вәкилләр, Әлмәт муниципаль районы аппараты җитәкчесе Роза Әфләтунова, Әлмәт муниципаль районы башкарма комитетының иҗтимагый һәм дини берләшмәләр белән хезмәттәшлек итү секторы мөдире Илшат Котбиев, район һәм шәһәр имамнары катнашты.