Җырчы Зөлфия Камалова вафат

Австралиядә яшәүче Татарстанның атказанган артисткасы Зөлфия Камалова 18 сентябрьдә 56 яшендә вафат булды.

Артистканың үлеме турында  музыкаль продюсер Александр Чепарухин хәбәр итте.

«Үзенең 55 нче туган көненнән соң Зуля бездән бүген китте. Аның соңгы сәгатьләрендә аның белән кызы Зифа һәм ире Эндрю була. Мин аның белән соңгы тапкыр узган атна башында сөйләштем. Ул үзенең көннәре санаулы икәнен аңлый иде, ләкин һаман да могҗизага өметен югалтмады», - дип язган Чепарухин. «Кешеләргә матур җырлар бүләк итәргә булышканнарга рәхмәтле иде. Казан, Пермь, Мәскәүне искә төшерде. Аның тавышыннан башка дөньяны күз алдына да китерә алмыйм. Зуля бик яхшы, якты, ихлас һәм чибәр кеше иде. Соңгы атналарда мин тагын аның музыкасын тыңладым. Ул бик күп телләрдә җырлады, ләкин минем яраткан җырларым татарчалары. <...> Тавышы яшәсен иде», - ди ул.

Үзенең 55 яшьлек туган көнендә, 8 августта, Зөләйха Камалова язылучыларга онкологиядән дәвалануын белдерде һәм хастаханә палатасыннан фотография белән уртаклашты. Ул ашыгыч операция кичерүен һәм хәзер метастазалар белән көрәшүен сөйләде.

Зөлия Камалова 1969 елның 8 августында Удмурт АССРның Сарапул шәһәрендә туа. 1991 елда студентлар алмашуы буенча АКШка китә, анда австралиялегә кияүгә чыга һәм Австралиягә күченә. Беренче альбомын, Journey of Voice («Путешествие голоса»), 1997 елда яздырган. Шагыйрә Йолдыз Миңнуллина шигырьләренә язылган соңгы альбом, Alty Kon Yaratu / Six Days Loving («Алты көн ярату») 2019 елда чыкты. Җырчының 1999 елгы Аloukie альбомы өчен Australian World Music Awards 2000 премиясе һәм 3 Nights («3 ночи») альбомы өчен ARIA Award for Best World Music Album 2007 премиясе бар. 2001 елгы Year Artist Awards һәм 2002 елгы Year Australian LIVE Music Awards титуллары иясе. Татарстан Республикасының атказанган артисты (2012).