Әлмәт ишегалларында су сибү нокталары оештырыла

Бу хакта атна саен уздырылучы  туры эфирда Әлмәт районы башлыгы Тимур Нагуманов хәбәр итте. Быел Әлмәттә шәһәрне яшелләндерү буенча актив эш алып барыла. 2024 елда бөтен район буенча 12 меңгә якын үсенте утыртылган.

Әмма агачларны оешкан утырту гына түгел: үз ишегалларын чын мәгънәсендә яшел иткән актив шәһәр кешеләре дә бар. Шуңа бәйле рәвештә, су чыгымнары әлмәтлеләргә авыр булмасын өчен, ишегалларында «су сибү нокталары» оештырырга карар ителде. Әгәр сезнең ишегалдындагы үсентеләр системалы сугаруга мохтаҗ булса, сез идарә итү компаниясенә яки үсеш бүлегенә мөрәҗәгать итә аласыз. Шул ук нокталар быел яшелләндерү эшләре башкарылган җәмәгать киңлекләрендә дә оештырылачак.