Әлмәт районында мобилизацияләнгәннәрнең балаларына бирелә торган түләүгә 133 гариза кабул ителгән

Әлмәт районында мобилизацияләнгәннәрнең балалары өчен бер тапкыр бирелә торган түләүгә 133 гариза кабул ителгән. Татарстан министрлар кабинеты карары буенча  һәр балага 20 мең сум акча алачак. Бу хакта район башлыгы Тимур Нагуманов хәбәр итте.

- Бу түләүне алу өчен Клара Цеткин урамы 54а урнашкан республика матди ярдәм үзәге бүлегенә гариза белән мөрәҗәгать итәргә кирәк, яки 43-81-96 белешмәләр өчен телефон аша шалтыратырга мөмкин, - дип хәбәр итте район башлыгы.