Әлмәтлеләр атларда көрәш буенча Татарстан чемпионатында уңышлы чыгыш ясады

Беренче тапкыр «Актүбә» ат спорты мәктәбендә «Татнефть» ярдәме белән атларда көрәш буенча Татарстан чемпионаты узды, дип хәбәр итә компаниянең матбугат хезмәте.

Азнакай, Актаныш, Саба, Алабуга, Әлмәт, Бөгелмә, Лениногорск, Тукай һәм Кукмара районнары батырлары көрәште.

Атларда көрәш ат спорты, билбау көрәше элементларын үз эченә ала. Көрәшчеләр татар токымлы атларда ярышты.

Команда ярышларында лениногорскилылар җиңде, икенче урында – азнакайлылар, өченчедә – әлмәтлеләр.