Әлмәттә «Тоннель» вакытында аек булмаган шоферны тапканнар

Әлмәттә машина йөртүчеләрне һәм җәяүлеләрне тикшерү буенча «Тоннель» профилактик операциясе узды. Пост хезмәте хезмәткәрләре 134 шоферны тикшергән, дип хәбәр итә Россия Эчке эшләр министрлыгының Әлмәт районы буенча Дәүләт автоинспекциясе матбугат хезмәте. Нәтиҗәдә, исерек килеш бер шофер ачыкланган. Ике машина сөюче куркынычсызлык каешын эләктермичә барган. Бер машинада пассажир бала өчен махсус утыргыч булмаган..